خمیس مشیط میں خطرے کے پیش نظر شہری دفاع کا ہنگامی انتباہ

سعودی شہری دفاع نے اعلان کیا ہے کہ خمیس مشیط میں خطرے کے پیش نظر قومی ایمرجنسی وارننگ پلیٹ فارم سے انتباہ جاری کر دیا گیا ہے۔

شہری دفاع نے شہریوں کے لیے ہدایات جاری کی ہیں، جن میں شامل ہیں:

پرامن رہیں اور سرکاری ہدایات پر عمل کریں۔

فوری طور پر قریبی محفوظ جگہ یا کسی عمارت کے اندرونی کمرے میں چلے جائیں اور کھڑکیوں سے دور رہیں، جب تک خطرہ ختم نہ ہو وہیں رہیں۔

خطرہ ختم ہونے تک گھر یا عمارت سے باہر نہ نکلیں۔

کھلی جگہوں اور شیشے سے دور رہیں، بالکونی یا چھت پر ہرگز نہ جائیں۔

اگر آپ باہر ہیں تو قریبی عمارت میں داخل ہو جائیں یا کسی مضبوط دیوار کے پیچھے پناہ لیں۔

ہجوم اور ویڈیو بنانے سے مکمل گریز کریں اور خطرناک مقامات سے دور رہیں۔

اگر آپ کو وارننگ پیغام گاڑی میں ملے تو سڑک کے کنارے رک جائیں، پلوں اور بلند عمارتوں سے دور رہیں۔

کسی بھی خطرے کی صورت میں مکہ مکرمہ، مدینہ منورہ، ریاض اور مشرقی ریجن میں 911 اور باقی علاقوں میں 998 پر ایمرجنسی کال کریں۔

متعلقہ اداروں کی جانب سے جاری کردہ ہدایات صرف سرکاری ذرائع سے حاصل کریں۔