الجوف میں دو شہری منشیات فروشی کے الزام میں گرفتار

سعودی محکمہ انسداد منشیات نے الجوف ریجن میں دو شہریوں کو گرفتار کیا ہے، جن پر 1.9 کلو گرام حشیش، ایمفیٹامین اور طبی ضابطے کے تحت آنے والی گولیوں کی فروخت کا الزام ہے۔

محکمے نے اپنے ایکس اکاؤنٹ پر بتایا کہ ملزمان کو حراست میں لے کر ان کے خلاف قانونی کارروائی کی گئی ہے اور انہیں پبلک پراسیکیوشن کے حوالے کر دیا گیا ہے۔

اعرض التغريدة على منصة X

سکیورٹی حکام نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ محکمہ انسداد منشیات کے ہیلپ لائن نمبر (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔