عسیر: سرحدی فورس نے 3 ایتھوپیائی اسمگلر گرفتار کر لیے

عسیر کے الربوعہ سیکٹر میں سرحدی فورس کی زمینی گشتی ٹیموں نے سرحدی سکیورٹی قوانین کی خلاف ورزی کرنے والے تین ایتھوپیائی باشندوں کو ساٹھ کلوگرام نشہ آور قات اسمگل کرنے کے الزام میں گرفتار کر لیا۔

سرحدی فورس نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

اعرض التغريدة على منصة X

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، مدینہ منورہ، ریاض اور شرقیہ ریجنز میں (911)، جبکہ باقی علاقوں میں (999) اور (994) پر رابطہ کریں۔ اس کے علاوہ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔