سعودی قیادت کی مراکش کے بادشاہ کو منصب سنبھالنے کی سالگرہ پر مبارکباد

خادم الحرمین الشریفین شاہ سلمان بن عبدالعزیز آل سعود نے مراکش کے بادشاہ محمد ششم کو ان کے ملک میں اقتدار سنبھالنے کی سالگرہ کے موقع پر تہنیتی پیغام بھیجا ہے۔

شاہ سلمان نے اپنے پیغام میں بادشاہ محمد ششم کے لیے صحت و خوشی اور مراکش کی حکومت و عوام کے لیے ترقی و خوشحالی کی نیک تمناؤں کا اظہار کیا۔

شاہ سلمان نے دونوں ممالک اور عوام کے درمیان برادرانہ تعلقات کی مضبوطی کو سراہتے ہوئے کہا کہ ان تعلقات کو ہر شعبے میں مزید فروغ دینے کی کوششیں جاری ہیں۔

اسی مناسبت سے ولی عہد و وزیراعظم شہزادہ محمد بن سلمان بن عبدالعزیز آل سعود نے بھی بادشاہ محمد ششم کو اقتدار سنبھالنے کی سالگرہ پر مبارکباد کا پیغام بھیجا ہے۔

ولی عہد نے اپنے پیغام میں بادشاہ محمد ششم کے لیے صحت و خوشی اور مراکش کی حکومت و عوام کے لیے مزید ترقی و خوشحالی کی دعا کی۔