مشرقیہ اور عسیر میں منشیات فروشی پر پاکستانی باشندے اور شہری گرفتار

سعودی محکمہ انسداد منشیات نے مشرقیہ ریجن میں دو پاکستانی باشندوں کو منشیات میتھامفیٹامین (شبو) فروخت کرنے کے الزام میں گرفتار کیا ہے۔ ملزمان کو حراست میں لے کر ان کے خلاف قانونی کارروائی شروع کر دی گئی ہے اور انہیں پبلک پراسیکیوشن کے حوالے کر دیا گیا ہے۔

اعرض التغريدة على منصة X

اسی طرح عسیر ریجن میں ایک سعودی شہری کو ایک اعشاریہ دو کلوگرام منشیات حشیش فروخت کرنے کے الزام میں گرفتار کیا گیا ہے۔ ملزم کے خلاف بھی قانونی کارروائی مکمل کر کے اسے پبلک پراسیکیوشن کے سپرد کر دیا گیا ہے۔

اعرض التغريدة على منصة X

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی صورت میں فوری طور پر اطلاع دیں۔ مکہ مکرمہ، ریاض اور مشرقیہ میں (911)، دیگر علاقوں میں (999)، انسداد منشیات کے ہیلپ لائن (995) یا ای میل [email protected] پر رابطہ کیا جا سکتا ہے۔ تمام اطلاعات کو مکمل رازداری کے ساتھ نمٹایا جائے گا۔