جازان میں یمنی مقیم منشیات فروشی کے الزام میں گرفتار

جنرل ڈائریکٹوریٹ برائے انسداد منشیات نے جازان ریجن میں ایک یمنی مقیم کو 14 کلو گرام چرس فروخت کرنے کے الزام میں گرفتار کیا ہے۔

انسداد منشیات کے ادارے نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

سکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی صورت میں مکہ مکرمہ، ریاض اور مشرقی ریجن میں 911 اور دیگر علاقوں میں 999 پر رابطہ کریں، یا جنرل ڈائریکٹوریٹ برائے انسداد منشیات کے نمبر 995 یا ای میل [email protected] پر اطلاع دیں۔ تمام اطلاعات کو مکمل رازداری کے ساتھ نمٹایا جائے گا۔