وزیر داخلہ کی ہدایت پر انسداد منشیات کے 515 اہلکار ترقی پا گئے

محکمہ انسداد منشیات کے ڈائریکٹر جنرل میجر جنرل محمد بن سعید القرنی نے وزیر داخلہ شہزادہ عبدالعزیز بن سعود بن نایف بن عبدالعزیز کی ہدایت پر محکمے کے 515 اہلکاروں کو مختلف شعبوں میں اگلے عہدوں پر ترقی دینے کے احکامات جاری کیے ہیں۔

میجر جنرل محمد القرنی نے قیادت کا شکریہ ادا کرتے ہوئے کہا کہ سیکیورٹی اہلکاروں کو جو حمایت اور توجہ مل رہی ہے، اس پر وہ قیادت کے شکر گزار ہیں۔ انہوں نے وزیر داخلہ کی رہنمائی اور سیکیورٹی اداروں کے اہلکاروں کے لیے مسلسل تعاون پر بھی اظہار تشکر کیا۔

ڈائریکٹر جنرل نے ترقی پانے والے اہلکاروں کو مبارکباد دی اور ان کے لیے نیک تمناؤں کا اظہار کیا۔ انہوں نے امید ظاہر کی کہ یہ ترقی ان کے لیے مزید محنت اور خدمت دین، بادشاہ اور وطن کے لیے تحریک ثابت ہوگی۔