جازان میں یمنی شہریوں کے گروہ سے قات اسمگلنگ ناکام

جازان کے العارضہ سیکٹر میں بارڈر گارڈز کی زمینی گشتی ٹیموں نے سرحدی سیکیورٹی قوانین کی خلاف ورزی پر 31 یمنی شہریوں کو گرفتار کر لیا، جو 496 کلوگرام نشہ آور قات اسمگل کرنے کی کوشش کر رہے تھے۔

بارڈر گارڈز نے اپنے ایکس اکاؤنٹ پر بتایا کہ گرفتار افراد کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

ایکس پر اصل پوسٹ دیکھیں

سیکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ اس کے علاوہ منشیات کنٹرول ڈائریکٹوریٹ کے ہیلپ لائن (995) یا ای میل (Email:[email protected]) پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے کی کوئی ذمہ داری نہیں ہوگی۔