سعودی عرب کی پاکستان کو اسلام آباد اسپتال آتشزدگی پر تعزیت

سعودی وزارت خارجہ نے اسلام آباد کے پی آئی ایم ایس اسپتال میں پیش آنے والے افسوسناک آتشزدگی کے واقعے پر جاں بحق ہونے والے بچوں کے لواحقین، حکومت اور پاکستانی عوام سے دلی تعزیت اور ہمدردی کا اظہار کیا ہے۔

وزارت نے اپنے بیان میں کہا کہ سعودی عرب متاثرہ خاندانوں کے ساتھ مکمل یکجہتی کا اظہار کرتا ہے اور اس سانحے میں پاکستانی حکومت اور عوام کے شانہ بشانہ کھڑا ہے۔

وزارت نے مزید کہا کہ وہ پاکستان اور اس کے برادر عوام کے لیے سلامتی اور تحفظ کی خواہش رکھتی ہے۔