اتوار کو گرج چمک کے ساتھ بارش اور تیز ہوائیں متوقع

محکمہ موسمیات نے آج کے موسم کی رپورٹ میں پیش گوئی کی ہے کہ جازان، عسیر، الباحہ اور مکہ مکرمہ کے پہاڑی علاقوں کے کچھ حصوں میں گرج چمک کے ساتھ بارش، ژالہ باری اور تیز ہوائیں چلنے کا امکان ہے۔ اس کے علاوہ، ان علاقوں کے مشرقی حصوں میں تیز ہوائیں گرد و غبار کا باعث بنیں گی، جس سے ساحلی شاہراہ اور نجران کے مشرقی حصوں میں حد نگاہ انتہائی کم ہو سکتی ہے۔ مشرقی ریجن کے جنوبی حصوں میں درجہ حرارت زیادہ رہنے کا امکان ہے۔

رپورٹ کے مطابق بحیرہ احمر کے شمالی اور وسطی حصے میں سطحی ہوائیں شمال مغربی سے مغربی سمت میں 12 تا 35 کلومیٹر فی گھنٹہ کی رفتار سے چلیں گی، جبکہ جنوبی حصے میں یہ ہوائیں مغربی سے جنوب مغربی سمت میں 15 تا 40 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 50 کلومیٹر فی گھنٹہ سے بھی تجاوز کر سکتی ہیں۔ اس دوران موجوں کی اونچائی آدھے میٹر سے ڈیڑھ میٹر تک، اور جنوبی حصے میں دو میٹر سے بھی زیادہ ہو سکتی ہے۔ سمندر کی حالت عمومی طور پر ہلکی سے درمیانی اور جنوبی حصے میں گرج چمک کے ساتھ بارش کے دوران موجیں تیز ہو سکتی ہیں۔

خلیج عرب میں شمالی حصے میں ہوائیں شمال مغربی سے مغربی سمت میں 15 تا 35 کلومیٹر فی گھنٹہ کی رفتار سے چلیں گی، جبکہ وسطی اور جنوبی حصے میں شام کے وقت شمال مشرقی سے مشرقی سمت میں 10 تا 25 کلومیٹر فی گھنٹہ کی رفتار سے چل کر بعد میں شمالی سمت اختیار کر لیں گی۔ شمالی حصے میں موجوں کی اونچائی آدھے میٹر سے ڈیڑھ میٹر تک، جبکہ وسطی اور جنوبی حصے میں آدھے میٹر سے ایک میٹر تک رہے گی۔ سمندر کی حالت ہلکی سے درمیانی رہے گی۔