جازان میں موسلا دھار بارش اور تیز ہواؤں کی پیش گوئی

قومی مرکز برائے موسمیات نے آج جازان ریجن میں درمیانے سے شدید درجے کی بارش کے امکان کا انتباہ جاری کیا ہے، جس میں جازان شہر سمیت متعدد اضلاع اور ان کے ذیلی مراکز شامل ہیں۔

مرکز کے مطابق اس موسمی صورتحال کے دوران تیز رفتار ہوائیں چلنے، افقی حد نگاہ میں نمایاں کمی، ژالہ باری، سیلابی ریلے اور گرج چمک کے ساتھ بجلی گرنے کا خدشہ ہے۔

متاثرہ علاقوں میں الحرث، الدائر (بنی مالک)، الریث، العارضہ، العیدابی، فیفا، ہروب، الطوال، صامطہ، احد المسارحہ، ابو عریش، ضمد، صبیا، الدرب، بیش اور مرکز الفطیحہ شامل ہیں۔

مرکز نے مزید بتایا کہ یہ موسمی صورتحال، اللہ کے حکم سے، آج رات آٹھ بجے تک جاری رہنے کا امکان ہے۔