ٹریفک پولیس: سکیورٹی چیک پوائنٹس پر قطار توڑنا قابل جرمانہ خلاف ورزی

سعودی جنرل ڈائریکٹوریٹ آف ٹریفک نے ڈرائیوروں کو خبردار کیا ہے کہ وہ ٹریفک سگنل یا سکیورٹی چیک پوائنٹس پر گاڑیوں کی قطار نہ توڑیں۔

ادارے نے ایکس پلیٹ فارم پر بتایا کہ اگر کوئی ڈرائیور ٹریفک سگنل یا سکیورٹی چیک پوائنٹس پر گاڑیوں کی قطار کو کاندھے یا یوٹرن کے لیے مخصوص لین سے توڑتا ہے تو یہ ٹریفک خلاف ورزی ہے، جس پر 150 سے 300 سعودی ریال تک جرمانہ عائد کیا جائے گا۔

یہ انتباہ ٹریفک پولیس کی جاری آگاہی مہم کا حصہ ہے۔ اس سے قبل بھی ادارہ خبردار کر چکا ہے کہ تیز رفتاری سے گاڑیوں کے درمیان بار بار لین بدلنا دیگر مسافروں کے لیے خطرناک اور حادثات کا سبب بن سکتا ہے۔

اعرض التغريدة على منصة X