الازہر کی سعودی عرب پر حملوں کی مذمت

الازہر شریف نے سعودی عرب پر ہونے والے حملوں کی شدید ترین الفاظ میں مذمت کی ہے اور کہا ہے کہ یہ حملے اسلامی حسن ہمسائیگی اور ہمسایہ ممالک کے حقوق کی صریح خلاف ورزی ہیں۔ اس کے علاوہ یہ سعودی عرب کی خودمختاری، سلامتی اور استحکام پر ناقابل قبول حملہ ہے۔

قاہرہ سے جاری بیان میں الازہر نے واضح کیا کہ اس طرح کے حملوں کا تسلسل خطے کے امن و استحکام کے لیے سنگین خطرہ ہے۔

بیان میں مزید کہا گیا ہے کہ ایسے اقدامات سے معصوم شہریوں کی جانیں خطرے میں پڑ سکتی ہیں اور خطے میں کشیدگی اور تنازع مزید بڑھ سکتا ہے۔

اسی تناظر میں الازہر نے تمام فریقین سے تحمل اور ضبط نفس کی اپیل کی ہے اور کہا ہے کہ مزید کشیدگی اور تصادم سے گریز کیا جائے، عقل و دانش کو ترجیح دی جائے تاکہ خطے کے امن، استحکام اور عوام کی سلامتی کو یقینی بنایا جا سکے۔