بحری اتحاد سمندری راستوں اور تیل بردار جہازوں کا محافظ ہے: ترجمان دفاع

وزارت دفاع کے ترجمان میجر جنرل ترکی المالکی نے کہا ہے کہ بحری اتحاد سمندری راستوں، آبی گزرگاہوں اور تیل بردار جہازوں کی حفاظت کے لیے سرگرم ہے۔ انہوں نے واضح کیا کہ کسی بھی قسم کی بحری دہشت گردی کے اثرات دنیا کے تمام ممالک پر مرتب ہوں گے۔

ترکی المالکی نے الاخباریہ چینل سے گفتگو میں کہا کہ خطہ اور دنیا حقیقی اور ابھرتے ہوئے خطرات کا سامنا کر رہے ہیں۔ ہر ملک کو اپنی مفادات کے تحفظ کے لیے ضروری فوجی یا سیاسی اقدامات کرنے کا حق حاصل ہے۔

انہوں نے بتایا کہ یمن میں قانونی حکومت کی حمایت کرنے والے اتحاد نے گزشتہ برسوں کے دوران بحری خطرات سے نمٹنے میں نمایاں کامیابیاں حاصل کی ہیں۔ اس دوران ڈرون طیاروں، تیز رفتار کشتیوں اور سمندری بارودی سرنگوں سمیت مختلف خطرات کا مقابلہ کیا گیا۔

اعرض التغريدة على منصة X

انہوں نے مزید کہا کہ ان چیلنجز سے نمٹنے میں اتحاد کے تجربات نے آبی گزرگاہوں اور سمندری راستوں کے تحفظ کی کوششوں کو مزید مضبوط کیا ہے، جس سے علاقے میں جہازوں اور تیل بردار جہازوں کی محفوظ آمدورفت یقینی بنتی ہے۔