شہادتِ پیدائش کی معلومات ابشر پر آن لائن تبدیل کرنے کا طریقہ

سعودی وزارت داخلہ کے محکمہ احوالِ مدنیہ نے شہریوں کے عام سوالات کے جواب میں وضاحت کی ہے کہ شہادتِ پیدائش کی معلومات ابشر پلیٹ فارم کے ذریعے آن لائن تبدیل کی جا سکتی ہیں۔

محکمہ نے اس بات پر زور دیا ہے کہ شہادتِ پیدائش کی معلومات میں تبدیلی کی درخواست دیتے وقت ضروری دستاویزات منسلک کرنا لازمی ہے، جو مطلوبہ تبدیلی کی تصدیق کریں۔ اس میں تاریخ پیدائش، ملک پیدائش، شہر پیدائش یا وقت پیدائش جیسی معلومات میں ترمیم یا تصحیح کی جا سکتی ہے۔

مزید بتایا گیا ہے کہ درخواست گزار ایک ہی درخواست میں متعدد معلومات کی تبدیلی کی درخواست بھی دے سکتا ہے، تاہم اس کے لیے مقررہ ضوابط اور طریقہ کار پر عمل کرنا ضروری ہے۔

اسی حوالے سے محکمہ نے توجہ دلائی ہے کہ شہادتِ پیدائش کی معلومات میں تبدیلی کی منظوری کے بعد اس سے متعلقہ سرکاری دستاویزات جیسے قومی شناختی کارڈ، شہادتِ پیدائش اور خاندانی رجسٹر بھی متاثر ہوں گے، اس لیے انہیں بھی اپ ڈیٹ کرنا ضروری ہے۔