سعودی عرب میں آج گرج چمک کے ساتھ بارش اور تیز ہوائیں متوقع

محکمہ موسمیات نے آج کے موسم کی رپورٹ میں بتایا ہے کہ سعودی عرب کے مختلف علاقوں میں درمیانے سے شدید درجے کی گرج چمک کے ساتھ بارشیں جاری رہیں گی، جن کے ساتھ ژالہ باری اور گرد و غبار اٹھانے والی تیز ہوائیں بھی متوقع ہیں۔ یہ صورتحال جازان، عسیر، الباحہ، مکہ مکرمہ اور مدینہ منورہ کے بعض حصوں میں رہے گی۔ ان علاقوں اور مشرقی ریجن کے ساحلی حصوں میں کہیں کہیں دھند بننے کا بھی امکان ہے۔ اسی طرح الجوف، حائل اور شمالی حدود کے کچھ حصوں کے علاوہ قصیم اور مشرقی ریجن کے شمالی علاقوں میں بھی ہلکی سے درمیانے درجے کی بارش اور تیز ہوائیں متوقع ہیں۔

رپورٹ کے مطابق بحیرہ احمر میں سطحی ہوائیں شمال مغرب سے شمال کی سمت 20 سے 45 کلومیٹر فی گھنٹہ کی رفتار سے چلیں گی، جبکہ جنوب مشرق سے شمال مشرق کی سمت 10 سے 35 کلومیٹر فی گھنٹہ کی رفتار رہے گی، اور گرج چمک کے ساتھ بارش کے دوران یہ رفتار 50 کلومیٹر فی گھنٹہ سے تجاوز کر سکتی ہے۔ اس دوران موجوں کی اونچائی نصف میٹر سے ڈیڑھ میٹر تک اور گرج چمک کے ساتھ دو میٹر سے بھی زیادہ ہو سکتی ہے۔ بحیرہ احمر میں سمندر کی کیفیت معمولی سے درمیانی اور گرج چمک کے ساتھ موجیں بلند ہو سکتی ہیں۔

خلیج عرب میں سطحی ہوائیں شمال یا شمال مغرب سے چلیں گی جو شام کے وقت جنوب مشرق یا جنوب کی سمت میں بدل جائیں گی، ان کی رفتار 10 سے 36 کلومیٹر فی گھنٹہ تک رہے گی۔ دوپہر کے بعد ہوائیں شمال مغرب یا شمال سے مشرق یا شمال مشرق کی سمت بدل جائیں گی اور ان کی رفتار 10 سے 35 کلومیٹر فی گھنٹہ تک ہوگی۔ موجوں کی اونچائی نصف میٹر سے ڈیڑھ میٹر تک اور سمندر کی کیفیت معمولی سے درمیانی رہے گی۔