سعودی عرب میں معذور افراد کی پارکنگ پر 2534 گاڑیاں ضبط

سعودی محکمہ ٹریفک کی جانب سے ملک کے مختلف علاقوں میں کی گئی مہم کے نتیجے میں معذور افراد کے لیے مخصوص پارکنگ میں گاڑیاں کھڑی کرنے کی ہزاروں خلاف ورزیاں ریکارڈ کی گئیں۔ یہ کارروائی ٹریفک قوانین کی پاسداری اور معذور افراد کے حقوق کے تحفظ کے لیے کی گئی۔

محکمہ ٹریفک نے اپنے سرکاری ایکس اکاؤنٹ پر بتایا کہ معذور افراد کے لیے مخصوص پارکنگ میں غیرقانونی طور پر کھڑی 2534 گاڑیاں ضبط کی گئی ہیں۔ یہ کارروائیاں ملک بھر میں جاری نگرانی مہمات کے دوران عمل میں آئیں۔

اعرض التغريدة على منصة X

محکمہ ٹریفک نے واضح کیا کہ یہ مہمات ٹریفک قوانین کی خلاف ورزیوں، خصوصاً معذور افراد کے لیے مخصوص پارکنگ میں غیرقانونی کھڑی گاڑیوں کی نشاندہی اور خلاف ورزی کرنے والوں کے خلاف قانونی کارروائی کے لیے جاری ہیں۔