جازان میں 10 افراد گرفتار، 260 کلوگرام منشیات ضبط

جازان ریجن کے الدائر سیکٹر میں بارڈر گارڈز کی زمینی گشتی ٹیموں نے سرحدی سکیورٹی قوانین کی خلاف ورزی پر ایتھوپیا اور یمن سے تعلق رکھنے والے 10 افراد کو 260 کلوگرام منشیاتی قات اسمگل کرنے کی کوشش کے دوران گرفتار کر لیا۔

گرفتار افراد کے خلاف ابتدائی قانونی کارروائی مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم غیرملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911)، جبکہ دیگر علاقوں میں (999) اور (994) پر رابطہ کریں۔ جنرل ڈائریکٹوریٹ آف نارکوٹکس کنٹرول کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے پر کوئی ذمہ داری عائد نہیں ہوگی۔