سعودی عرب میں آج گرج چمک کے ساتھ بارش اور گرد آلود ہوائیں متوقع

محکمہ موسمیات نے آج کے موسم کی رپورٹ میں پیش گوئی کی ہے کہ نجران، جازان، عسیر، باحہ اور مکہ مکرمہ کے پہاڑی علاقوں میں درمیانے سے شدید درجے کی گرج چمک کے ساتھ بارشیں ہوں گی، جو سیلابی ریلوں کا باعث بن سکتی ہیں اور ژالہ باری بھی متوقع ہے۔ جنوبی مشرقی علاقے کے کچھ حصوں میں ہلکی بارش کا امکان ہے۔ ان علاقوں کے علاوہ مشرقی اور ریاض ریجن کے کچھ حصوں میں بھی گرد آلود اور تیز ہوائیں چلنے کا سلسلہ جاری رہے گا، جو مکہ مکرمہ، مدینہ منورہ اور تبوک کے ساحلی علاقوں تک پھیل سکتا ہے۔

رپورٹ کے مطابق بحیرہ احمر میں سطحی ہوائیں شمال مغرب سے مغرب کی سمت 12 سے 35 کلومیٹر فی گھنٹہ کی رفتار سے چلیں گی، جبکہ موجوں کی بلندی نصف میٹر سے ڈیڑھ میٹر تک رہے گی اور سمندر کی حالت ہلکی سے درمیانی رہے گی۔

خلیج عرب میں سطحی ہوائیں شمال مغرب سے جنوب مغرب کی سمت 10 سے 30 کلومیٹر فی گھنٹہ کی رفتار سے چلیں گی، جبکہ موجوں کی بلندی نصف میٹر سے ڈیڑھ میٹر تک رہے گی اور سمندر کی حالت ہلکی سے درمیانی رہے گی۔