جازان: ایتھوپین شہری 80 کلوگرام قات اسمگل کرتے گرفتار

جازان کے ضلع الدائر میں بارڈر گارڈز کی زمینی گشتی ٹیموں نے سرحدی سلامتی کے ضوابط کی خلاف ورزی کرنے والے ایک ایتھوپین شہری کو 80 کلوگرام نشہ آور قات اسمگل کرنے کی کوشش پر گرفتار کر لیا۔

بارڈر گارڈز نے اپنے ایکس اکاؤنٹ پر بتایا کہ ابتدائی قانونی کارروائیاں مکمل کر کے ملزم اور ضبط شدہ مواد متعلقہ ادارے کے حوالے کر دیا گیا ہے۔

اعرض التغريدة على منصة X

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، ریاض اور مشرقی ریجن میں (911)، جبکہ مملکت کے دیگر علاقوں میں (999) پر رابطہ کریں۔ اس کے علاوہ جنرل ڈائریکٹوریٹ آف نارکوٹکس کنٹرول کے ہیلپ لائن (995) اور ای میل [email protected] پر بھی اطلاع دی جا سکتی ہے۔ تمام اطلاعات کو مکمل رازداری کے ساتھ نمٹایا جائے گا۔