جازان میں موسمی صورتحال: شہریوں کو احتیاط برتنے کی ہدایت

محکمہ شہری دفاع نے جازان کے مختلف حصوں میں موسمی صورتحال کے باعث شہریوں کو احتیاط برتنے، ہدایات پر عمل کرنے اور رہنمائی پر توجہ دینے کی اپیل کی ہے۔ یہ ہدایت قومی مرکز برائے موسمیات کی جانب سے جاری کردہ ریڈ الرٹ کے بعد جاری کی گئی۔

محکمہ نے اپنے سرکاری ایکس اکاؤنٹ پر بتایا کہ علاقے میں شدید بارشیں متوقع ہیں، اس لیے شہری زیادہ سے زیادہ احتیاط برتیں اور پانی کے جمع ہونے والے مقامات، وادیوں اور ڈیموں کے قریب جانے سے گریز کریں تاکہ عوامی سلامتی یقینی بنائی جا سکے۔

محکمہ شہری دفاع نے بارش کے دوران حفاظتی ہدایات پر عمل کرنے اور سیلابی ریلوں کو عبور کرنے سے گریز کرنے کی اہمیت پر بھی زور دیا۔