مسجد نبوی میں اسمارٹ انجینئرنگ سینٹر سے آپریشنل کارکردگی میں اضافہ

مسجد نبوی میں قیادت و کنٹرول کے اسمارٹ انجینئرنگ سینٹر کی بدولت انجینئرنگ نظام، اثاثوں اور خدمات کے مربوط انتظام و نگرانی میں مدد مل رہی ہے۔ اس مقصد کے لیے تکنیکی حل اور آپریشنل ڈیٹا کو لمحہ بہ لمحہ نگرانی، مشاہدات کی نشاندہی، تجزیے اور ان کے حل میں استعمال کیا جاتا ہے۔

ہیئت عامہ برائے امور مسجد الحرام و مسجد نبوی کے مطابق یہ سینٹر ایک مکمل ڈیجیٹل آپریشنل نظام ہے جو مسجد نبوی میں اثاثوں، خدمات اور نظام کی کارکردگی کی نگرانی کرتا ہے۔ اس کے لیے متعدد ڈیٹا ذرائع سے منسلک انٹرایکٹو اسکرینیں استعمال کی جاتی ہیں، جس سے آپریشنل کارکردگی اور نمازیوں و زائرین کو فراہم کی جانے والی خدمات کا معیار بہتر ہوتا ہے۔

سینٹر میں متعلقہ انتظامی اداروں کے نمائندے شامل ہیں اور یہ پانچ سے زائد جدید ٹیکنیکل سسٹمز پر انحصار کرتا ہے، جو آپریشنز اور خدمات کی نگرانی، ڈیٹا تجزیہ اور آپریشنل مشاہدات کی نشاندہی کی سہولت فراہم کرتے ہیں۔ یہ سینٹر چوبیس گھنٹے چار شفٹوں میں کام کرتا ہے تاکہ کام کی تسلسل اور آپریشنل معاملات و مشاہدات پر فوری ردعمل یقینی بنایا جا سکے۔

ہیئت نے بتایا کہ سینٹر مسجد نبوی کے اندر 31 اثاثوں کی نگرانی کرتا ہے اور گزشتہ چھ ماہ میں 4,500 سے زائد آپریشنل مشاہدات ریکارڈ کیے گئے، جنہیں منظور شدہ طریقہ کار کے مطابق حل اور بند کیا گیا۔ اس ڈیجیٹل نظام سے آپریشنل نگرانی کی کارکردگی اور فوری ردعمل کی رفتار میں اضافہ ہوا ہے۔

سینٹر کی سرگرمیاں جدید نگرانی اور آپریشنل طریقوں کی ترقی، ڈیٹا اور جدید ٹیکنالوجی کے استعمال کے سلسلے کی ایک کڑی ہیں، جو متعلقہ اداروں کے درمیان ہم آہنگی اور مسجد نبوی کے زائرین کو فراہم کی جانے والی خدمات کے معیار کی پائیداری کو مضبوط بناتی ہیں۔