عرب وزرائے داخلہ کونسل کی سعودی عرب پر ڈرون حملوں کی مذمت

عرب وزرائے داخلہ کونسل کی جنرل سیکرٹریٹ نے ایران سے وابستہ دہشت گرد ملیشیاؤں کی جانب سے مشرقی ریجن اور ریاض میں تیل تنصیبات کو ڈرون کے ذریعے نشانہ بنانے کی بزدلانہ کارروائی کی شدید الفاظ میں مذمت کی ہے۔

جنرل سیکرٹریٹ نے اپنے بیان میں کہا کہ یہ مجرمانہ حملہ بین الاقوامی قوانین اور روایات کی کھلی خلاف ورزی اور کشیدگی کم کرنے کی کوششوں کو سبوتاژ کرنے کے مترادف ہے۔ بیان میں سعودی عرب سے مکمل یکجہتی اور اس کی سلامتی، شہریوں، رہائشیوں اور تنصیبات کے تحفظ کے لیے کیے گئے تمام اقدامات کی بھرپور حمایت کا اعادہ کیا گیا۔