ابشر کے ذریعے بیرون ملک مقیم افراد کی اقامہ تجدید کا طریقہ

سعودی محکمہ پاسپورٹ نے بیرون ملک مقیم افراد کے لیے ابشر پلیٹ فارم کے ذریعے اقامہ (ہویة مقیم) کی تجدید کی سہولت فراہم کر دی ہے۔

اس سروس کے تحت مقیم افراد کے اہل خانہ اور گھریلو ملازمین کا اقامہ بھی آن لائن با آسانی تجدید کیا جا سکتا ہے۔

گھریلو ملازمین کے اقامہ کی تجدید کے لیے سب سے پہلے ابشر ویب سائٹ پر لاگ ان کریں، پھر خدمات مقیمین میں جائیں، اس کے بعد خدمات العمالة منتخب کریں، مطلوبہ فرد کا انتخاب کریں اور پھر اقامہ تجدید کا آپشن منتخب کریں۔

جہاں تک اہل خانہ کے ہمراہ مقیم افراد کا تعلق ہے، اس کے لیے ابشر پر لاگ ان کریں، پھر خدمات افراد خانہ میں جائیں، اس کے بعد خدمات مقیمین منتخب کریں، مطلوبہ فرد اور اس کا اقامہ منتخب کریں جس کی تجدید مطلوب ہو۔