سعودی عرب کے بعض علاقوں میں گرج چمک کے ساتھ بارش کا امکان برقرار

قومی مرکز برائے موسمیات نے تصدیق کی ہے کہ سعودی عرب کے بعض علاقوں میں گرج چمک کے ساتھ بارش کا امکان ہفتے کے آخر تک برقرار رہے گا، جو سعودی عددی ماڈل کے مطابق ہے۔

مرکز نے اپنے ایکس اکاؤنٹ پر بتایا کہ بارش کا یہ سلسلہ عسیر، جازان، الباحہ اور مکہ مکرمہ کے پہاڑی علاقوں میں جاری رہے گا، جبکہ اس کا اثر نجران تک بھی پہنچ سکتا ہے۔

مرکز کے مطابق مشرقی ریجن اور ریاض میں بھی بادل چھائے رہنے کی توقع ہے، جہاں خاص طور پر جنوبی حصوں میں ہلکی بارش ہو سکتی ہے۔