ریاض میں پاکستانی شہری کو 1.3 کلو کوکین فروخت کرنے پر گرفتار کر لیا گیا

ریاض میں جنرل ڈائریکٹوریٹ آف نارکوٹکس کنٹرول نے ایک پاکستانی شہری کو 1.3 کلوگرام کوکین فروخت کرنے کے الزام میں گرفتار کر لیا ہے۔

انسداد منشیات کے ادارے نے اپنے ایکس اکاؤنٹ پر بتایا کہ ملزم کو حراست میں لے کر اس کے خلاف قانونی کارروائی شروع کر دی گئی ہے اور اسے پبلک پراسیکیوشن کے حوالے کر دیا گیا ہے۔

سیکیورٹی اداروں نے شہریوں اور مقیمین سے اپیل کی ہے کہ منشیات کی اسمگلنگ یا فروخت سے متعلق کسی بھی معلومات کی صورت میں مکہ مکرمہ، ریاض اور مشرقی ریجن میں 911 اور باقی علاقوں میں 999 پر اطلاع دیں، یا جنرل ڈائریکٹوریٹ آف نارکوٹکس کنٹرول کے نمبر 995 یا ای میل [email protected] پر رابطہ کریں۔ تمام اطلاعات کو مکمل رازداری کے ساتھ نمٹایا جائے گا۔