جازان میں یمنی اسمگلروں سے 247 کلو گرام منشیات برآمد

جازان کے بیش سیکٹر میں بارڈر گارڈز کی سمندری گشتی ٹیموں نے دو یمنی شہریوں کو سرحدی سیکیورٹی قوانین کی خلاف ورزی اور 247 کلو گرام منشیات (حشیش) اسمگل کرنے کی کوشش پر گرفتار کر لیا۔

بارڈر گارڈز نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ منشیات کو متعلقہ ادارے کے حوالے کر دیا گیا ہے۔

اعرض التغريدة على منصة X

سیکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی مشتبہ سرگرمی کی اطلاع فوری طور پر دیں۔ مکہ مکرمہ، مدینہ منورہ، ریاض اور مشرقی ریجن میں (911) جبکہ دیگر علاقوں میں (999) اور (994) پر رابطہ کریں۔ اس کے علاوہ منشیات کنٹرول ڈائریکٹوریٹ کی ہیلپ لائن (995) اور ای میل (Email:[email protected]) پر بھی اطلاع دی جا سکتی ہے۔ تمام اطلاعات مکمل رازداری کے ساتھ وصول کی جائیں گی اور اطلاع دینے والے کی شناخت ظاہر نہیں کی جائے گی۔