بریده میں درجہ حرارت 47 ڈگری، ابہا سب سے ٹھنڈا شہر

قومی مرکز برائے موسمیات نے بعض سعودی شہروں میں زیادہ سے زیادہ اور کم سے کم درجہ حرارت کی پیش گوئی کی ہے۔ مرکز کے مطابق بریده میں سب سے زیادہ 47 ڈگری سینٹی گریڈ جبکہ ابہا میں سب سے کم 19 ڈگری سینٹی گریڈ درجہ حرارت ریکارڈ ہونے کا امکان ہے۔

مرکز کے مطابق آج متوقع زیادہ سے زیادہ درجہ حرارت بریده میں 47، ریاض اور دمام میں 46، مکہ مکرمہ میں 42، جدہ میں 39 اور مدینہ منورہ میں 43 ڈگری سینٹی گریڈ رہے گا۔

اسی طرح ابہا میں 30، تبوک میں 38، حائل میں 42، الباحہ میں 29، عرعر میں 43، نجران میں 41 اور جازان میں 38 ڈگری سینٹی گریڈ زیادہ سے زیادہ درجہ حرارت متوقع ہے۔

کم سے کم درجہ حرارت کی بات کی جائے تو ابہا میں 19، الباحہ میں 22، ریاض میں 30، مکہ مکرمہ میں 31، مدینہ منورہ میں 29، جدہ میں 30، نجران میں 29، جازان میں 31 اور تبوک میں 26 ڈگری سینٹی گریڈ رہنے کا امکان ہے۔