غذا و دوا اتھارٹی اور گورننس ایسوسی ایشن میں تعاون کا معاہدہ

سعودی فوڈ اینڈ ڈرگ اتھارٹی نے گورننس کوآپریٹو ایسوسی ایشن کے ساتھ مفاہمتی یادداشت پر دستخط کیے ہیں، جس کا مقصد ادارہ جاتی حکمرانی کے فروغ اور تجربات و معلومات کے تبادلے میں تعاون کو مضبوط بنانا ہے، تاکہ دونوں فریقین کی مشترکہ مفاد کو تقویت ملے۔

دستخط کی تقریب ریاض میں منعقد ہوئی، جہاں اتھارٹی کی نمائندگی چیف ایگزیکٹو آفیسر پروفیسر ڈاکٹر ہشام بن سعد الجضعی نے کی، جبکہ ایسوسی ایشن کی جانب سے چیئرمین ناصر بن سعود السہلی نے نمائندگی کی۔

جاری کردہ بیان میں بتایا گیا ہے کہ گورننس کوآپریٹو ایسوسی ایشن مملکت میں حکمرانی کے شعبے میں پہلی خصوصی ایسوسی ایشن ہے، جسے وزارت افرادی قوت و سماجی ترقی سے لائسنس حاصل ہے۔

اعرض التغريدة على منصة X

یہ مفاہمتی یادداشت سرکاری اور غیر منافع بخش شعبوں کے درمیان شراکت اور ہم آہنگی کے فروغ، ادارہ جاتی کارکردگی میں بہتری اور سعودی وژن 2030 کے اہداف کے مطابق کی گئی ہے۔