ترکی کا حوثیوں کی بحری ناکہ بندی کی دھمکی پر اظہار مذمت

ترک وزارت خارجہ نے ایک بیان میں حوثی ملیشیا کی جانب سے سعودی عرب پر بحری ناکہ بندی کی دھمکی کی شدید مذمت کی ہے۔

وزارت خارجہ نے اپنے بیان میں سعودی عرب کے ساتھ ترکی کی مکمل یکجہتی کا اعادہ کیا۔

بیان میں اس بات پر زور دیا گیا کہ بین الاقوامی تجارت، سمندری نقل و حمل، اور باب المندب و بحیرہ احمر میں جہاز رانی کی آزادی اور بحری سلامتی کو نشانہ بنانے والی تمام دھمکیوں اور اقدامات کا فوری خاتمہ ضروری ہے۔

ترک وزارت خارجہ نے خطے میں کشیدگی بڑھانے والے تمام اقدامات سے گریز کرنے کی اپیل بھی دہرائی۔