جازان میں 60 کلوگرام منشیات اسمگل کرنے والے 3 ایتھوپیائی گرفتار

جازان کے الدائر سیکٹر میں بارڈر گارڈز کی زمینی گشتی ٹیموں نے سرحدی قوانین کی خلاف ورزی پر تین ایتھوپیائی باشندوں کو 60 کلوگرام نشہ آور قات اسمگل کرنے کے الزام میں گرفتار کر لیا۔

ان کے خلاف ابتدائی قانونی کارروائی مکمل کر کے ملزمان اور ضبط شدہ منشیات متعلقہ ادارے کے حوالے کر دی گئی ہیں۔

سکیورٹی اداروں نے شہریوں اور مقیم افراد سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر مکہ مکرمہ، ریاض اور مشرقی ریجن میں 911، باقی علاقوں میں 999، جنرل ڈائریکٹوریٹ آف نارکوٹکس کنٹرول کے نمبر 995 یا ای میل [email protected] پر دیں۔ تمام اطلاعات کو مکمل رازداری کے ساتھ نمٹایا جائے گا۔