بدھ کو مختلف علاقوں میں گرج چمک کے ساتھ موسلا دھار بارش کا امکان

قومی مرکز برائے موسمیات نے اپنی رپورٹ میں بدھ کے روز موسم کی صورتحال کے حوالے سے پیش گوئی کی ہے کہ جازان، عسیر، الباحہ اور مکہ مکرمہ کے بعض حصوں میں درمیانے سے شدید درجے کی گرج چمک کے ساتھ بارشیں متوقع ہیں، جو سیلابی ریلوں کا سبب بن سکتی ہیں۔ ان بارشوں کے ساتھ ژالہ باری اور تیز ہوائیں بھی چلیں گی جو گرد و غبار کا باعث بنیں گی۔ مدینہ منورہ، حائل، تبوک، الجوف، شمالی حدود، مشرقی ریجن اور ریاض کے کچھ حصوں میں ہلکی سے درمیانے درجے کی بارش کا امکان ہے۔

رپورٹ میں مزید کہا گیا ہے کہ مملکت کے مشرقی اور مغربی ساحلی علاقوں میں رات اور صبح کے اوقات میں دھند چھائے رہنے کی توقع ہے۔

بحر احمر میں سطحی ہوائیں شمال مغرب سے جنوب مغرب کی سمت 15 سے 30 کلومیٹر فی گھنٹہ کی رفتار سے چلیں گی، شمالی حصے میں موجوں کی اونچائی آدھے میٹر سے ایک میٹر تک رہے گی جبکہ درمیانی حصے میں ہلکی لہریں رہیں گی۔ جنوبی حصے میں ہوائیں جنوب مشرق سے جنوب مغرب کی سمت 10 سے 25 کلومیٹر فی گھنٹہ کی رفتار سے چلیں گی، جو گرج چمک کے ساتھ بارش کے دوران 60 کلومیٹر فی گھنٹہ سے بھی تجاوز کر سکتی ہیں۔ اس دوران موجوں کی اونچائی ایک میٹر سے بڑھ کر دو میٹر سے بھی زیادہ ہو سکتی ہے اور سمندر کی حالت ہلکی سے شدید متغیر ہوگی۔

خلیج عرب میں سطحی ہوائیں شمال مغرب سے شمال مشرق کی سمت 10 سے 25 کلومیٹر فی گھنٹہ کی رفتار سے چلیں گی، جو شمالی حصے میں گرج چمک کے ساتھ بارش کے دوران 60 کلومیٹر فی گھنٹہ سے بھی زیادہ ہو سکتی ہیں۔ موجوں کی اونچائی آدھے میٹر سے ایک میٹر تک رہے گی جو دو میٹر سے بھی زیادہ ہو سکتی ہے اور سمندر کی حالت ہلکی سے شدید متغیر ہوگی۔ جنوبی حصے میں بھی ہوائیں شمال مشرق سے شمال مغرب کی سمت 10 سے 25 کلومیٹر فی گھنٹہ کی رفتار سے چلیں گی، جو بارش کے دوران 60 کلومیٹر فی گھنٹہ سے بڑھ سکتی ہیں، اور موجوں کی اونچائی ایک میٹر سے زیادہ ہو سکتی ہے۔