عسیر: سرحدی فورس نے 5 ایتھوپیائی افراد کو 186 کلوگرام قات اسمگل کرتے گرفتار کر لیا

عسیر کے الربوعہ سیکٹر میں سرحدی فورس کی بری گشتی ٹیموں نے پانچ ایتھوپیائی باشندوں کو سرحدی سیکیورٹی قوانین کی خلاف ورزی اور 186 کلوگرام نشہ آور قات اسمگل کرنے کی کوشش پر گرفتار کر لیا۔

سرحدی فورس نے اپنے ایکس اکاؤنٹ پر بتایا کہ ملزمان کے خلاف ابتدائی قانونی کارروائی مکمل کر کے انہیں اور ضبط شدہ مواد کو متعلقہ ادارے کے حوالے کر دیا گیا ہے۔

سکیورٹی اداروں نے شہریوں اور مقیم غیر ملکیوں سے اپیل کی ہے کہ منشیات کی اسمگلنگ یا فروخت سے متعلق کسی بھی سرگرمی کی اطلاع فوری طور پر دیں۔ اس مقصد کے لیے مکہ مکرمہ، ریاض اور شرقیہ ریجن میں 911 اور باقی مملکت میں 999 پر رابطہ کریں، یا جنرل ڈائریکٹوریٹ آف نارکوٹکس کنٹرول کے نمبر 995 اور ای میل [email protected] پر اطلاع دیں۔ تمام اطلاعات کو مکمل رازداری کے ساتھ نمٹایا جائے گا۔

ایکس پر اصل پوسٹ دیکھیں