اقامتی و لیبر قوانین کی خلاف ورزی: 24 ہزار سے زائد افراد کے خلاف کارروائی

سعودی محکمہ جوازات نے اپنی علاقائی دفاتر کی انتظامی کمیٹیوں کے ذریعے صفر 1448ھ کے دوران اقامتی، لیبر اور سرحدی قوانین کی خلاف ورزی پر 24,417 شہریوں اور غیرملکیوں کے خلاف انتظامی فیصلے جاری کیے ہیں۔

محکمہ جوازات کے مطابق جاری کردہ سزاؤں میں قید، مالی جرمانے اور ملک بدر کرنا شامل ہیں۔

محکمہ جوازات نے تمام شہریوں اور مقیم غیرملکیوں، اداروں اور افراد کو تنبیہ کی ہے کہ وہ اقامتی، لیبر اور سرحدی قوانین کے خلاف ورزی کرنے والوں کو نقل و حمل، ملازمت یا رہائش فراہم نہ کریں، ان کی پردہ پوشی نہ کریں اور نہ ہی کسی بھی طرح مدد فراہم کریں۔

محکمہ نے شہریوں سے اپیل کی ہے کہ وہ خلاف ورزی کرنے والوں کی اطلاع مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 پر دیں۔ محکمہ نے یقین دہانی کرائی ہے کہ تمام اطلاعات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔