سلمان ریلیف سینٹر کو پائیداری و سماجی ذمہ داری میں نمایاں سعودی برانڈ قرار

فوربس مشرق وسطیٰ نے نیشنل سینٹر فار ریسپانسبلٹی اینڈ اسٹڈیز کے تعاون سے مرکز سلمان برائے امداد و انسانی خدمات کو سعودی عرب کی 70 اہم ترین برانڈز میں شامل کیا ہے جو پائیداری اور سماجی ذمہ داری کے شعبے میں نمایاں کردار ادا کر رہی ہیں۔ اس اقدام سے مرکز کی انسانی خدمات، عطا اور جدت کے فروغ میں اس کے کردار کی عکاسی ہوتی ہے۔

مرکز کے آفیشل ایکس اکاؤنٹ پر جاری بیان کے مطابق، مرکز سلمان برائے امداد کا انتخاب اس کی پائیداری اور سماجی ذمہ داری کے میدان میں نمایاں شراکت اور کامیاب پروگراموں کی بنیاد پر کیا گیا ہے۔ اس میں منتخب اداروں کی جانب سے فراہم کردہ رپورٹس اور معلومات کے ساتھ گزشتہ پانچ برسوں کی کارکردگی کو بھی مدنظر رکھا گیا۔

بیان کے مطابق، مرکز اپنے تمام امدادی، انسانی اور ترقیاتی پروگراموں میں سماجی ذمہ داری کے تصور کو اپناتا ہے اور پائیدار ترقی کے حامل جامع پروگراموں کے ذریعے معیاری خدمات فراہم کرنے کے ساتھ ساتھ سماجی ذمہ داری کی ثقافت کو فروغ دینے کے لیے کوشاں ہے، جو سعودی وژن 2030 کے اہداف سے ہم آہنگ ہے۔

اعرض التغريدة على منصة X