چھ علاقوں میں سرخ الرٹ، شدید بارشیں اور سیلاب کا خدشہ

قومی مرکز برائے موسمیات نے شدید موسمی صورتحال کے پیش نظر مکہ مکرمہ، عسیر، جازان، تبوک، الجوف اور شمالی علاقے کے بعض حصوں میں آج جمعرات کی شام کے اوقات کے دوران شدید بارشوں کے باعث 'سرخ الرٹ' جاری کیا ہے۔

مرکز کے مطابق یہ الرٹ بعض مقامات پر رات آٹھ بجے تک اور دیگر مقامات پر رات نو بجے تک برقرار رہے گا۔ اس دوران تیز رفتار ہوائیں، حد نگاہ میں کمی، ژالہ باری، سیلابی ریلے اور گرج چمک کے ساتھ بجلی گرنے کا امکان ہے۔

مکہ مکرمہ میں متاثرہ علاقوں میں رہاط، مدرکہ، ہدی الشام، اضم، بنی یزید، جذم، میسان، یلملم اور طائف شامل ہیں، جبکہ عسیر میں رجال المع، محائل، المجاردہ، بارق اور ابہا متاثر ہوں گے۔

جازان میں الرٹ کے دائرے میں الدرب، بیش، الحرث، الدائر، الریث، العارضہ، العیدابی، فیفا، ہروب، ابو عریش، احد المسارحہ، الطوال، الفطیحہ، صامطہ، صبیا اور ضمد شامل ہیں۔

تبوک میں المعظم اور تیماء، الجوف میں دومة الجندل، طبرجل اور سکاكا جبکہ شمالی علاقے میں عرعر اور طریف بھی اس موسمی صورتحال سے متاثر ہوں گے۔