رؤیت 2030 سے حجاج کی خدمات میں نمایاں بہتری آئی، نائب وزیر حج

نائب وزیر حج و عمرہ ڈاکٹر عبد الفتاح مشاط نے کہا ہے کہ رؤیت 2030 نے ضیوف الرحمن کے لیے فراہم کی جانے والی تمام خدمات کے معیار کو بلند کیا ہے۔

ڈاکٹر مشاط نے حج و عمرہ اور زیارت سے متعلق تحقیقی فورم کے دوران مزید کہا کہ ادارہ جاتی تبدیلی نے حج و عمرہ کے شعبے میں کمپنیوں کے کام کو پورے سال جاری رکھنے میں مدد دی ہے۔ ان کے مطابق اس تبدیلی سے تمام شعبوں میں نمایاں فرق آیا ہے۔

انہوں نے مزید بتایا کہ وزارت حج نے اپنے زیر نگرانی تمام شعبوں کو ادارہ جاتی نظام سے مستقل بنیادوں پر کام کرنے والے نظام میں تبدیل کر دیا ہے۔ انہوں نے نشاندہی کی کہ مکہ مکرمہ میں کھانے پینے کی خدمات فراہم کرنے والی 300 سے زائد نجی کمپنیاں سرگرم ہیں، جبکہ ضیوف الرحمن کی خدمت کے لیے سال بھر فعال رہنے والا تکنیکی نظام بھی تیار کیا گیا ہے۔

اعرض التغريدة على منصة X