حساب المواطن: نومبر کی قسط میں 3 ارب ریال کی ادائیگی

حساب المواطن پروگرام نے آج منگل کے روز نومبر کی قسط کے لیے 3 ارب سعودی ریال ان مستحقین کے اکاؤنٹس میں منتقل کیے جن کی درخواستیں مکمل تھیں۔ اس 108ویں قسط میں استحقاق کے معیار پر پورا اترنے والے مستفیدین اور ان کے تابعین کی تعداد 99 لاکھ سے زائد رہی۔

سرکاری بیان کے مطابق، پروگرام کے جنرل ڈائریکٹر برائے رابطہ، عبداللہ الہاجری نے بتایا کہ پروگرام کی ابتداء سے اب تک مستحقین کو مجموعی طور پر 296 ارب سعودی ریال سے زائد ادا کیے جا چکے ہیں، جن میں 2.9 ارب ریال سابقہ قسطوں کی مد میں بطور معاوضہ دیے گئے۔ انہوں نے مزید کہا کہ اس قسط میں 72 فیصد مستحقین کو مالی معاونت ملی، جبکہ ایک خاندان کو اوسطاً 1469 ریال دیے گئے۔

الہاجری کے مطابق، اس قسط میں مستفید ہونے والے خاندانوں کے سربراہان کی تعداد 20 لاکھ سے زائد رہی، جو کل مستحقین کا 84 فیصد بنتے ہیں، جبکہ تابعین کی تعداد 74 لاکھ سے زیادہ رہی۔

ایکس پر مکمل ٹویٹ دیکھیں