سعودی ٹریفک پولیس کا آن لائن نمبر پلیٹس نیلامی کا آغاز کل

سعودی جنرل ڈائریکٹوریٹ آف ٹریفک کل اتوار کو ابشر پلیٹ فارم کے ذریعے منفرد گاڑی نمبر پلیٹس کی آن لائن نیلامی کا آغاز کرے گی، جس میں دلچسپی رکھنے والے افراد شرکت اور اپنی پسندیدہ پلیٹس کے لیے بولی لگا سکیں گے۔

جنرل ڈائریکٹوریٹ آف ٹریفک نے اپنے سرکاری ایکس اکاؤنٹ پر وضاحت کی کہ نیلامی میں شرکت کے لیے سب سے پہلے ابشر پلیٹ فارم پر لاگ ان کریں، پھر 'خدماتی' منتخب کریں، اس کے بعد 'ٹریفک' اور پھر 'آن لائن نمبر پلیٹس نیلامی' سروس کا انتخاب کریں۔

سروس تک رسائی کے بعد صارف اپنی گاڑی کی پلیٹس کی قسم منتخب کرے گا، جس کے بعد دستیاب پلیٹس کی فہرست سامنے آجائے گی اور ان پر آن لائن بولی لگائی جا سکے گی۔

ایکس پر ٹویٹ دیکھیں

یہ نیلامی ابشر پلیٹ فارم کی ان الیکٹرانک خدمات میں شامل ہے جو منفرد نمبر پلیٹس خریدنے کے خواہشمند افراد کے لیے فراہم کی گئی ہیں، تاکہ وہ تمام مراحل آن لائن مکمل کر سکیں۔