عسیر میں غیرمجاز مقام پر آگ لگانے پر شہری گرفتار

ماحولیاتی سکیورٹی فورس نے عسیر ریجن میں ایک شہری کو ماحولیاتی نظام کی خلاف ورزی پر اس وقت گرفتار کیا جب اس نے مخصوص مقامات کے علاوہ آگ جلائی، جو سبزہ زار کے تحفظ سے متعلق ہدایات کے منافی ہے۔

فورس کے مطابق، خلاف ورزی کرنے والے شہری کے خلاف قانونی کارروائی عمل میں لائی گئی ہے۔ فورس نے واضح کیا کہ جنگلات اور قومی پارکوں میں مخصوص مقامات کے علاوہ آگ جلانے پر 3 ہزار سعودی ریال تک جرمانہ عائد کیا جا سکتا ہے۔

اعرض التغريدة على منصة X

ماحولیاتی سکیورٹی فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع دیں۔ مکہ مکرمہ، مدینہ منورہ، ریاض اور مشرقی ریجن میں اس مقصد کے لیے 911 جبکہ دیگر علاقوں میں 999 اور 996 پر رابطہ کیا جا سکتا ہے۔

فورس نے یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہو گی۔