اراضی کی ملکیت منتقلی سے قبل واجب الادا فیس کی ادائیگی لازم

خادم الحرمین الشریفین شاہ سلمان بن عبدالعزیز کی زیر صدارت جدہ میں ہونے والے اجلاس میں سعودی کابینہ نے فیصلہ کیا کہ سفید اراضی اور خالی جائیدادوں کی ملکیت کی منتقلی سے متعلق کوئی بھی لین دین اس وقت تک تصدیق نہیں کیا جائے گا جب تک اس پر واجب الادا فیس ادا نہ کر دی جائے۔

کابینہ نے اپنے ایجنڈے میں شامل متعدد امور پر غور کیا، جن میں مدینہ منورہ ریجن ڈویلپمنٹ اتھارٹی، جنرل اتھارٹی برائے چھوٹے و درمیانے درجے کے ادارے، اور نیشنل سینٹر فار واٹر ایفیشنسی اینڈ کنزرویشن کی سالانہ رپورٹس کا جائزہ بھی شامل تھا۔

اس کے علاوہ، کابینہ نے سابقہ مالی سالوں کے لیے ام القری، قصیم اور الجوف یونیورسٹیوں کے حتمی مالی حسابات کی منظوری بھی دی۔