وزیر خارجہ کی برلن میں جرمن پارلیمنٹ ارکان سے ملاقات

وزیر خارجہ شہزادہ فیصل بن فرحان بن عبداللہ نے آج برلن میں جرمن وفاقی پارلیمنٹ 'بونڈسٹاگ' کے ہیڈکوارٹر میں عرب ممالک کی پارلیمانی گروپ کے سربراہ اور جرمن پارلیمنٹ کی خارجہ امور کمیٹی کے رکن ڈاکٹر الیگزینڈر رضوان سمیت متعدد ارکان پارلیمنٹ سے ملاقات کی۔ یہ ملاقات شہزادہ فیصل کے سرکاری دورۂ جرمنی کے دوران ہوئی۔

ملاقات میں سعودی عرب اور جرمنی کے درمیان تعلقات، مشرق وسطیٰ کے اہم مسائل اور چیلنجز پر تبادلہ خیال کیا گیا اور خطے کے بحرانوں کے جامع و منصفانہ حل کے لیے سعودی عرب اور شراکت دار ممالک کی کوششوں پر گفتگو ہوئی۔

اس موقع پر یورپی ممالک کے امور کے ڈائریکٹر جنرل سفیر عبدالرحمن الاحمد اور برلن میں قائم مقام سفیر آسیہ باعکضہ بھی موجود تھیں۔