سعودی عرب کے مختلف علاقوں میں آج موسلا دھار بارش اور سیلاب کا خدشہ

محکمہ موسمیات نے پیر کو اپنی رپورٹ میں کہا ہے کہ آج جازان، عسیر، الباحہ، مکہ مکرمہ، مدینہ منورہ، القصیم، حائل، تبوک، الجوف اور شمالی سرحدی علاقوں کے بعض حصوں میں درمیانے سے شدید درجے کی گرج چمک کے ساتھ بارش متوقع ہے، جس سے سیلابی صورتحال پیدا ہو سکتی ہے۔

رپورٹ کے مطابق ان علاقوں میں ژالہ باری اور تیز ہوائیں چلنے کا بھی امکان ہے، جس سے گردوغبار اٹھے گا اور حد نگاہ انتہائی کم ہو جائے گی۔

محکمہ موسمیات نے مزید بتایا کہ مشرقی ریجن اور ریاض کے بعض حصوں میں ہلکی سے درمیانی بارش اور متاثرہ علاقوں میں دھند چھانے کا امکان ہے۔

سمندر اور ہواؤں کی صورتحال

بحر احمر کے شمالی حصے میں سطحی ہوائیں جنوب مشرقی سے شمال مشرقی سمت میں 15 سے 30 کلومیٹر فی گھنٹہ کی رفتار سے چلیں گی، جو گرج چمک کے ساتھ بادلوں کے دوران 60 کلومیٹر فی گھنٹہ سے بھی تجاوز کر سکتی ہیں۔

وسطی حصے میں ہوائیں جنوب مغربی سے جنوب مشرقی سمت میں 15 سے 33 کلومیٹر فی گھنٹہ کی رفتار سے چلیں گی اور گرج چمک کے ساتھ 60 کلومیٹر فی گھنٹہ سے زیادہ ہو سکتی ہیں۔

جنوبی حصے میں ہوائیں جنوب مشرقی سے جنوب مغربی سمت میں 15 سے 35 کلومیٹر فی گھنٹہ کی رفتار سے چلیں گی اور گرج چمک کے ساتھ 60 کلومیٹر فی گھنٹہ سے بڑھ سکتی ہیں۔

بحر احمر میں موجوں کی اونچائی آدھے میٹر سے ایک میٹر تک رہے گی، تاہم گرج چمک کے دوران یہ دو میٹر سے بھی زیادہ ہو سکتی ہے۔ مجموعی طور پر سمندر کی حالت ہلکی سے معتدل اور بعض اوقات پرموج رہے گی۔

خلیج عرب کے شمالی حصے میں سطحی ہوائیں شمال مغربی سے شمال مشرقی سمت میں 10 سے 25 کلومیٹر فی گھنٹہ کی رفتار سے چلیں گی، جو گرج چمک کے ساتھ 50 کلومیٹر فی گھنٹہ سے زیادہ ہو سکتی ہیں۔

جنوبی حصے میں ہوائیں شمال مغربی سے شمال مشرقی سمت میں 10 سے 25 کلومیٹر فی گھنٹہ کی رفتار سے چلیں گی۔

خلیج عرب میں سمندر کی حالت ہلکی سے درمیانی موج تک رہے گی، جبکہ شمالی حصے میں گرج چمک کے ساتھ پرموج ہو سکتی ہے۔