شہزادہ محمد بن سلمان ریزرو میں درخت کاٹنے پر شہری گرفتار

خصوصی فورس برائے ماحولیاتی تحفظ نے ایک شہری کو شہزادہ محمد بن سلمان ریزرو میں بغیر اجازت درخت کاٹنے پر گرفتار کیا، اس کے قبضے سے برقی آرا بھی برآمد ہوئی۔ ملزم کے خلاف قانونی کارروائی کی گئی اور ضبط شدہ اشیاء متعلقہ ادارے کے حوالے کردی گئیں۔

فورس کے مطابق، نباتاتی اراضی سے درخت کاٹنے، جڑ سے اکھاڑنے، منتقل کرنے، ہموار کرنے یا بغیر اجازت ان کی خرید و فروخت پر ہر درخت کے عوض 20,000 سعودی ریال تک جرمانہ عائد کیا جا سکتا ہے۔ فورس نے شہریوں سے اپیل کی ہے کہ وہ ماحول یا جنگلی حیات پر کسی بھی حملے کی صورت میں مکہ مکرمہ، مدینہ منورہ، ریاض اور مشرقی ریجن میں 911 اور دیگر علاقوں میں 999 یا 996 پر اطلاع دیں۔