ٹرانسپورٹ اتھارٹی کی 'واعی' مہم، ریلوے صارفین کے حقوق اجاگر

سعودی ٹرانسپورٹ اتھارٹی نے ریاض پبلک ٹرانسپورٹ کے تعاون سے 'واعی' نامی مہم کا آغاز کیا ہے، جس کا مقصد ریلوے شعبے میں صارفین کے حقوق اور ذمہ داریوں سے متعلق آگاہی کو فروغ دینا ہے۔

اتھارٹی کے مطابق یہ مہم عملی طور پر ریاض میٹرو میں شروع کی گئی ہے، جس کے ذریعے صارفین کو ان کے حقوق اور فرائض سے آگاہ کیا جا رہا ہے، تاکہ پبلک ٹرانسپورٹ کے تجربے کو بہتر بنایا جا سکے۔

اتھارٹی نے مزید کہا کہ صارفین کی آگاہی محفوظ اور بہتر سفری تجربے کے لیے بنیادی حیثیت رکھتی ہے، اور اس حوالے سے مختلف ٹرانسپورٹ ذرائع کے استعمال کنندگان میں معلومات عام کرنے کی کوششیں جاری رہیں گی۔

اعرض التغريدة على منصة X

اسی سلسلے میں 'واعی' مہم کے تحت آگاہی مہمات اور تعارفی مواد بھی پیش کیا جا رہا ہے، جو ریاض شہر کی پبلک ٹرانسپورٹ میں دکھایا جا رہا ہے، تاکہ عوام میں شعور مزید اجاگر ہو۔