شرقیہ میں ماحولیاتی قوانین کی خلاف ورزی پر 6 افراد گرفتار

ادارہ عامہ برائے مجاہدین نے مشرقی ریجن میں افغان، پاکستانی، بھارتی اور یمنی شہریت رکھنے والے 6 غیرملکیوں کو ماحولیاتی قوانین کی خلاف ورزی اور ریت و مٹی کے غیرقانونی استحصال پر گرفتار کیا ہے۔

ادارے کے مطابق کارروائی کے دوران ریت نکالنے اور زمین کی کھدائی میں استعمال ہونے والی 6 مشینیں بھی ضبط کی گئیں۔

ادارہ مجاہدین نے بتایا کہ خلاف ورزی کرنے والوں کے خلاف قانونی کارروائی عمل میں لائی گئی ہے۔ شہریوں سے اپیل کی گئی ہے کہ وہ ماحول یا جنگلی حیات پر کسی بھی قسم کے حملے کی اطلاع مکہ مکرمہ، مدینہ منورہ، ریاض اور مشرقی ریجن میں 911 جبکہ دیگر علاقوں میں 999 یا 996 پر دیں۔ اطلاع دینے والوں کی شناخت صیغہ راز میں رکھی جائے گی اور ان پر کوئی ذمہ داری عائد نہیں ہوگی۔