سال 2026 کی پہلی سہ ماہی میں 1 کروڑ 52 لاکھ سے زائد معتمرین

سعودی ادارہ شماریات نے اعلان کیا ہے کہ سال 2026 کی پہلی سہ ماہی کے دوران معتمرین کی تعداد 1 کروڑ 52 لاکھ 33 ہزار 767 رہی۔

ادارے نے اپنی ویب سائٹ پر بتایا کہ مجموعی معتمرین میں مردوں کا تناسب 59.4 فیصد جبکہ خواتین کا تناسب 40.6 فیصد رہا۔ اس کے علاوہ، سعودی معتمرین کی شرح 28.9 فیصد ریکارڈ کی گئی۔

اعداد و شمار کے مطابق اس مدت کے دوران بیرون ملک سے آنے والے معتمرین کی مجموعی تعداد 57 لاکھ 69 ہزار 271 رہی، جن میں مردوں کی تعداد 27 لاکھ 77 ہزار 904 (48.2 فیصد) اور خواتین کی تعداد 29 لاکھ 91 ہزار 367 (51.9 فیصد) رہی۔