سعودی معاشرے میں امن و استحکام بنیادی اقدار ہیں، سابق مصری سفیر

سعودی عرب میں مصر کے سابق سفیر احمد فاروق نے کانفرنس 'حوار الأمن والتاریخ 2026' میں شرکت کے دوران اپنی سفارتی مدت کی یادیں تازہ کیں اور کہا کہ ان کے نزدیک سعودی معاشرے میں امن و استحکام بنیادی اقدار کی حیثیت رکھتے ہیں۔

انہوں نے اپنی خصوصی گفتگو میں کہا کہ سعودی عرب میں قیام کے دوران انہیں جو مضبوط انسانی تعلقات نصیب ہوئے، وہ ان کی زندگی کا سب سے بڑا سرمایہ ہیں۔ ان تعلقات اور انسانی رویوں نے ان کے تجربے کو نہایت قیمتی اور اثر انگیز بنایا۔

ان کا کہنا تھا کہ سعودی عرب میں ان کی یادیں صرف سفارتی امور تک محدود نہیں بلکہ انہوں نے جو انسانی تعلقات اور تجربات حاصل کیے، وہ دونوں ملکوں کے عوام کے درمیان گہرے روابط اور مشترکہ تاریخ و جذبات کی عکاسی کرتے ہیں۔