عسیر میں بغیر اجازت کیمپنگ پر شہری گرفتار

ماحولیات کی خصوصی فورس نے اعلان کیا ہے کہ عسیر ریجن میں ایک شہری کو ماحولیاتی قوانین کی خلاف ورزی، یعنی بغیر اجازت کیمپنگ کرنے پر گرفتار کر لیا گیا ہے اور اس کے خلاف ضابطے کے مطابق کارروائی کی گئی ہے۔

فورس کے مطابق جنگلات یا قومی پارکوں میں بغیر اجازت کیمپنگ کرنا قابل سزا جرم ہے، جس پر 3 ہزار سعودی ریال تک جرمانہ عائد کیا جا سکتا ہے۔

ماحولیات کی خصوصی فورس نے شہریوں سے اپیل کی ہے کہ وہ ماحول یا جنگلی حیات کو نقصان پہنچانے والے کسی بھی واقعے کی اطلاع دیں، اور یقین دہانی کرائی ہے کہ تمام شکایات کو مکمل رازداری کے ساتھ نمٹایا جائے گا اور اطلاع دینے والے پر کوئی ذمہ داری عائد نہیں ہوگی۔

اعرض التغريدة على منصة X

فورس نے مزید بتایا کہ مکہ مکرمہ، مدینہ منورہ، ریاض اور مشرقی ریجن میں شکایات کے لیے (911) جبکہ باقی علاقوں میں (999) اور (996) پر رابطہ کیا جا سکتا ہے۔