جازان میں کل تدریس آن لائن منتقل کرنے کا فیصلہ

جازان ریجن کی جنرل ایجوکیشن انتظامیہ نے اعلان کیا ہے کہ کل بدھ کے روز تمام اسکولوں اور اس کے اضلاع میں تدریس آن لائن، 'مدرستی' پلیٹ فارم کے ذریعے ہوگی۔

انتظامیہ کے مطابق یہ فیصلہ قومی مرکز برائے موسمیات کی رپورٹس اور طلبہ، طالبات و تدریسی و انتظامی عملے کی سلامتی کے پیش نظر کیا گیا ہے۔

انتظامیہ نے مزید بتایا کہ تدریسی عمل منظور شدہ شیڈول کے مطابق 'مدرستی' پلیٹ فارم پر جاری رہے گا اور طلبہ و طالبات کو ہدایت کی گئی ہے کہ وہ مقررہ اوقات میں آن لائن کلاسز میں شرکت کو یقینی بنائیں تاکہ تدریسی عمل باقاعدگی سے جاری رہے۔